- مش هاتلاقي بخيل مش حقود. - مش هاتلاقي بخيل حساس وبيتكسف.
- مش هاتلاقي بخيل بيضحك من قلبه.
- مش هاتلاقي بخيل ماعندوش خلل في المروءة.
- مش هاتلاقي بخيل صادق أو بيوفي بوعده.
- مش هاتلاقي بخيل مظهره ولبسه أنيق.
- مش هاتلاقي بخيل محبوب من اللي حواليه.
- مش هاتلاقي بخيل عنده أصحاب حقيقيين.
- مش هاتلاقي بخيل مش انتهازي.
- مش هاتلاقي بخيل شجاع.
- مش هاتلاقي بخيل ماكنش له دور في الاحتراق النفسي للمحيطين بيه.
- البخل هو الشريان التاجي اللي بيغذي أحط وأقذر الصفات اللي ممكن تكون موجودة في النفس البشرية.
- البخل هو الصفة الوحيدة في النفس البشرية اللي مالهاش علاج. - مافيش بخيل بينجح في زواج أو خطوبة، ولو نجح بيبقى على حساب آلام الغير.
مش مهم تشوف ولادك احسن الناس.. المهم تشوفهم أسعد الناس.. تشوفهم أحن الناس.. تشوفهم اكتر الناس إنسانية وإحساس.. المهم تشوف ولادك مرتاحين حتى ان كانوا في معايير الناس مش احسنهم..
ان ابنك يبقى سعيد ومرتاح وحنين وعنده إنسانية ده معناه انه احسن الناس.. بس الناس دايماً عندها معايير تانية لـ لقب "احسن الناس"..
فا بكل صدق ارتاح وبلاش تحط ولادك في سباق مع الناس عشان راحة قلبهم والابتسامة اللي على وشهم وهدوء روحهم احسن إنجاز ممكن تحققهلهم
1) خطيبك مش زوجك، بلاش تدي له كل شيئ، وتثقي فيه ثقة عمياء بلهاء.
2) خطيبك مش زوجك عشان فرضًا عليه يشحن لك رصيد، ويأتي لكِ كل يوم بهدية شكل، وبعدها نشتكي.
3) خطيبك مش زوجك عشان تحكي له أدق أدق التفاصيل في بيت أهلك بدعوى انك مخلصه له.
4) خطيبك مش زوجك انك تبقى كتاب مفتوح، يستغله فيما بعد لانه عارف نقاط ضعفك كلها وبيستغلها.
5) خطيبك مش زوجك عشان تتعاملي معاه كإنه واحد من العيلة، وتدخلي معاه في ماديات وفلوس وأمور معقدة.
6) الخطوبة وعد بالزواج، بس مش زواج، يعني ليها حدود لغايه ما تكلل بالزواج.
7) أكتر ناس بتشتكي من الموضوع ده، هما اللي أخلصوا بزيادة، وكانت النتيجة النهائية إنه ماتمتش الزيجة دي، فالبنت دخلت في اكتئاب لانها عاشت مرحلة بكل كيانها، ومشاعرها، وماحططش حدود منطقية يقبلها العقل، ونسيت إن الموضوع محتاج تأني وصبر وعقل عشان الخسارة ماتكونش من كل جانب.
7) بنات كتير خسرت فلوس وصحة ونفسية وأهل واصدقاء بسبب خطوبة من شخص غير سوي، غير مخلص، كسرها أدام الكل وخذلها.
8) بنات كتير كرهت الزواج، وفقدت الثقة في أي راجل، بسبب طيبتها الساذجة والثقة العمياء في ناس ليسوا أهل لأي شيء.
9) عيشي تجربة الخطوبة، واتعاملي عادي بس بحدود، اخلصي بحدود بدون سذاجة، في شباب اه تستاهل، ودول هايستمروا وهاتتجوزوا، وفي غيرهم بالتأكيد هاتكتشفي زيفهم وخداعهم عند أول مشكلة.. خذي حذرك.
1) علمي بنتك ماتقيسش هدوم في أي محل ملابس. 2) بنتك تقيس لبسها فوق اللي هي لابساه، أو أما ترجع البيت.
علمي بنتك ماتشتريش الملابس الخاصة من راجل.
3) علميها ماتروحش كوافير اللي شغال فيه رجالة.
4) علميها ماتروحش أي مشوار بعيد وحدها، إلا لو حاجة قهرية.
علميها تتابع الجيم والتخسيس مع دكاترة ستات، شرط الكفاءة.
5) علميها ماتتأخرش بره البيت أكتر من 9 م، ولا تنزل صور كتير ع العام بمواقع التواصل.
6) علميها الصوت الواطي، والمشية الهادية، وإن فعلا جمال البنت الحقيقي في حياءها.
7) علميها ماترقصش أدام حد، ولا تتمايل بجسمها أدام حد، تقدر ترقص في بيتها وبس.
8) ماتجبريش بنتك على حاجة، بس في نفس الوقت اقنعيها بالصح وبالحب والإحترام، الصداقة مهمة جدا في حياة أي بنت.. صاحبيها.
9) ابعدي بنتك عن التيك توك، وفيديوهات الرقص، وجروبات اللت والعجن، وشجعيها تتابع المحتوى المفيد.
10) بنتك مش أكل وشرب ولبس وسكن نضيف، بنتك جسم متصان، أخلاق بتتكلم، وقوة شخصية تفل الحديد.. وده المكسب والنجاح الحقيقي.
أخيرًا.. (بنت لم تجد الحب داخل البيت، للأسف غالبًا بتبقى فريسة لكلاب كتير برة).
كلام لكل أب وأم بدون تعميم، ولا يصح إلا الصحيح، أنا بشوف كوراث ف العيادة.
انتظروا حاجات للولاد.
لصحتك النفسية..
- ماتقولش كل اللي تعرفه.
- ماتصرفش كل اللي تملكه.
- ماتصدقش كل اللي بتسمعه.
- ماتنخدعش بكل اللي بتشوفه.
- ماتقربش أوي من كل اللي بتحبه.
- ماتدخلش في تعامل مادي مع صديق أو قريب.
- ماتقدرش شخص جلياط، ولا تاكل في بيت بخيل.
- ماتحاولش تعالج واحد قلبه أسود وبيحقد على غيره
1) هاتعاشر شخص كئيب؛ هايخليك تشوف الدنيا من خرم إبرة.. ساعده ع العلاج. 2) هاتصاحب ناس متفاءلة وعندها حب للحياة؛ هاتعيش متفائل وعندك دافعية للإنتاج.
3) هاتاخدي واحد بخيل، هايطفي الحلو اللي جواكي؛ وواحدة واحدة هاتبقي زيه.
4) هاتاخد إنسانه كذابة، هاتحول حياتك لكرب، وولادك هايقلدوها.. عالجها.
4) طفل متربي في بيت ذو بأس شديد؛ هايطلع طفل مُحمل بكلاكيع وعُقد نفسية هاتحرق الكل.
5)نوع الأكل اللي بتاكلوه، زي الحراق والمالح والدهون؛ هاينتقل للأجيال الصغيرة اللي حواليك وهايقلدوك.
6) هاتصاحب ناس نمامة، لسانهم طويل وألفاظهم فجة؛ هاتنعكس شخصيتهم عليك بشكل أو بآخر.
7) ماينفعش تقف على باب الكبارية، وتقول للناس أنا ببيع سِبح ومصاحف للي هناك.
8) إنت مرهون بالبيئة اللي إنت عايش فيها؛ إما إنك تتوافق معاها، ومع طبائع اللي فيها، أو إنك ترفض السلبي منها، وتعدله، أو تخرج منها.
9) أي زوجين معاشرين بعض فترة كبيرة، ملامحهم حتى بتقرب من بعض، وطباعهم بتفضل تنكمش لغاية ما تبقى غالبًا متشابهة..بإستثناء البعض.
10) في النهاية؛ إنت مرهون بالمجتمع والبيئة اللي إنت عايش فيها، إما إنك تتمرد عليها بالصح، أو هي اللي هاتطبع عليك، أو تسكت وتقبل بالأمر الواقع وتعيش زيك زي غيرك وخلاص.. خلي بالك. 11) لو إبنك وصل تالته ابتدائي ولسه مش بيعرف يكتب ويقرأ، غالبًا محتاج كشف صعوبات تعلم لتحديد المشكلة.
- كتير جدًا من مشاعرك المكتئبة سببها ذكاءك وفهمك الزايد عن الحد.
- كتير جدًا من مشاعرك السلبية سببها استجلاب أفكار غريبة والتعايش معاها لغايه ما تحولت لواقع.. الخوف من الموت مثال.
- كتير جدًا من من تشتت إنتباه ولادك وضعف الذاكرة عندهم سببها إدمان التليفون والألعاب الإلكترونية.
- كتير جدًا من حالات الطلاق والمشاكل الأسرية كان السبب فيها أهل الزوجين مش الزوجين.
- كتير جدًا من الناس اللي نجحت هي اللي بعدت عن الجدال والقيل والقال.
- كتير جدًا من من حالات الأرق سببها ازدحام غرفة نومك بكراكيب وصور وديكورات مبالغ فيها ومالهاش عازة.
- كتير جدًا من الإنجازات اللي حققها غيرك سببها بعدهم عن تضييع وقتهم ع السوشيال ميديا وفيديوهات اليوتيوب والتيك توك.
- كتير جدًا من المواهب ادفنت بسبب جهل الأهل لتربيه عيالهم، والتركيز على الأكل والشرب والسكن واللبس فقط.
- كتير جدًا من الالمك الجسدية والنفسية سببها الانتخة والراحة وقلة الحركة.
1) الغشيم مش مريض عقلي، هو غالبًا أذكى منك.
2) الغشيم مش شرط يكون طيب وجواه إنسان ملاك، عادي ممكن تلاقيه شرير.
3) الغشيم عنده اضطراب اسمه Conduct Disorder يعني اضطراب سلوكي، محتاج علاج نفسي سلوكي.
4) الاضطراب السلوكي ده بيتعالج، ده لو الغشيم عنده استعداد.
5) الغشيم واعي وفاهم وعارف هو بيعمل إيه.
6)استعباط الغشيم وتلذذه بمعاناه الآخرين، من خلال الاستغباء بالقول والفعل؛ دليل على عدم تقديره لمشاعر الناس.
7) عدم تقدير المشاعر ده بيدخل تحت مصطلح التبارد (يعني تعمد البرود)، والاستهزاء بنفسية الناس.
8) الإنسان اللي عنده القدرة إنه يأذي حد بشكل متكرر ومستمر بكل أريحية، ومن غير ذرة تأنيب ضمير؛ وفاكر إنه كده خفيف الد*م ده إنسان جِلياط(معدوم الإحساس).
9) الأزمة الحقيقية لأي حد بيتعامل مع الغشيم هو إن الغشيم ده أحيانا بيبقى قريب أو صديق أو زميل.. ابتلاء حقيقي.
10) الحل: تجاهل الغشيم مع الصبر، عدم الاختلاط به، مواجهة وتبصير الشخصية دي بخطورة أفعاله حتى لو بالقانون.
12) لو أمر واقع مفروض عليك، إذن لو قدرت تسكت مع عدم تأثرك النفسي.. تمام، ماقدرتش يبقى رد عليه، واستخدم اسلوبه بس بشياكه وحذر بدون خطأ.
ياريت أما تشوف حد فرحان بحاجة عملها أو اشتراها؛ أو أي إنجاز قدمه؛ ومن جواه فرحان وهو بيحكي لك، أو نشر عنه، والإنجاز ده انت شايفه مش مناسب ومش أد كده ومتواضع، (طبقًا لدماغك ووضعك العبقري)، المطلوب منك يا تقول له حاجة تدفعه للأمام، يا إما تسكت وسيبه يستمتع باللي عمله، وبلاش تكسر نفسه بكلام بارد؛ عشان ماتلاقيش اللي يكسر بنفسك انت كمان لإنك شخصية سمجة بصراحة.
النوم بمزاج سيء بيزود تجاعيد الوش، بيقلل نضارة الوش، بيأثر على عضلة القلب، و بيأثر على الموصلات العصبية بالمخ.
قبل ما تنام اعمل أي حاجة تفرحك، وخد دش واسترخي وبلاش تتصفح التليفون قبل النوم مباشرة.
وثق تمامًا.. حزنك مش حل.
1) الدنيا كانت ضيقة وليها تحدياتها زمان، وكل أسرة كانت عندها اللي يشغلها.. لكن آباءنا فعلا كانوا أكتر حظ مننا؟ 2) أبوك اللي مش عاجبك ده، كان موظف بسيط، لكن قدر بقليل من المال انه يحافظ على سلامة البيت ويربيك انت واخواتك أحسن تربية، وعددكم فوق الستة، ولم يشتكي.
2) العيل المتمرد على أهله في عيشتهم وبيتهمهم بالرجعية وانهم فشلة وانهم مابقوش أغنياء زي فلان وفلان؛ ده عيل قليل الأدب، ولو في فشل فهايبقى في أخلاقه هو.
3) الأسرة دي زمان كانوا ممكن يعيشوا بالعدد ده في غرفة واحدة، والغرفة التانية للأخ وعياله والخالة والعمة، وغالبًا شقة ٣ غرف كانت تساع فوق ال20 شخص.
4) النتيجة ماكنش في معدل مشاكل زي الأيام دي، ولا اضطرابات جنsية أو نفسية زي المنتشرة حاليًا.
5) أقل أسرة كانت تقدر تروح مصيف، ويستمتعوا بالأجازة ويضحكوا ويعيشوا ذكريات فوق الروعة.
6) الجيل الحالي مضحوك عليه، أسير إعلانات الكموباوندات وشواطئ العrايا، والمطاعم الفايف ستارز، والموضة في كل حاجة، لغاية ما وصل إنه ينعت أهله بالرجعية والعيشة الضيقة.
7) طب حاول انت أو انتي تعيشوا نص عيشة أهلكم، ربوا عيالكم زي ما اتربيتوا، عافروا في الدنيا وعيشوا مرتاحين البال زيهم، وانجزوا واعملوا نص اللي اتعمل معاكم.
8) طيب بصوا.. اضربوا خناقة زي خناقات والديكم، واتحداكم تتصالحوا بسهولة تاني، وكلمة طلاق ماتكونش زي الملح تدخل في وسط أي مشكلة مابينكم.
9) وياريت تصلوا الرحم، وتربوا فوق الخمس عيال، وتذاكرولهم، بدون دروس، بدون نت ومصادر تعلم بدون اتصالات، بدون سهولة مواصلات ورفاهية زي دلوقتي.
10) لو حققتوا المعادلة دي، وده طبعًا مستحيل؛ ساعتها من حققكم تنتقدوا الدَقة القديمة بتاعت زمان.
11) أنا مش عارف أشفق عليكم، ولا اتعاطف معاكم ولا هي الدنيا اللي اتغيرت، والمفاهيم اتبدلت، وحظكم الصعب انكم جيتوا في وقت تعاظم فيه المعيشة بالشكل ده، والانترنت لحس دماغكم ولا ولا انتم مجرد ضحية.
عرفوا ولادكم وعلموهم كل ده، لإن التضليل بقى مالي كل حتة. ياكل شاب وكل فتاة.. فوقوا وعيشوا الواقع شوية من فضلكم.
1)كونك تنزل بنتك تشتغل شغل آمن ومفيهوش غلط، لإن ظروفك المادية صعبة، فده حاجة ماتقللش من رجولتك ولا حاجة.
2) كونك تنزل شغل مش أد مقامك ولا تعليمك، دي حاجة لا تعيبك، ولا تقلل منك، لأنك بتاكلها بالحلال.
3) كونك تنام تعبان من الشغل والشقا عشان تخلي بيتك مستور، فده قمة الرجولة والمجدعة.
4) كونك بتحاول وبتعافر ف الدنيا والحر ده عشان توفر أبسط حقوقك وحقوق بيتك فده صلب الإنسانية والجمال.
5) الفساد وتدني الأخلاق والمرض النفسي لا يأتي إلا من القعده والفراغ.
6) الشغل حتى لو متعب والعائد بتاعه قليل، فده أفضل بكتير من الفراغ.
7) انزل اشتغل واتمرمط وحط رجلك في الملعب وفي يوم معين إن شاء الله ترتاح وتلاقي ثمرة مجهودك ده.
8) أي حد متغرب عن أهله من أجل لقمة العيش، أي حد بيواصل الليل بالنهار عشان يسد متطلبات الحياة، أي حد فيكم التراب اللي بيمشي عليه هو أفضل عندي من أصحاب القوة لكنهم فضلوا العيش عالة على غيرهم بالتسول والنطاعة.
9) أنا بشكر كل راجل جدع وكل ست جدعة رغم قوتهم البدنية الضعيفة وهمومهم اللي مش بتخلص، بشكرهم والله على تعبهم ومجهودهم خصوصًا في الحر ده.. ربنا يعينكم ويكرمكم ويعطيكم فوق ماتستحقونه أضعافًا مضاعفة.
صاحب المال دايما مهموم.. إياك تتخيل إنه سعيد.. كل مازادت فلوسك زادت همومك.
2) نسيت أقولك.. أسعد لحظة هي أما تلاقي نفسك شخص" مُتَبَقْى عليه" مش بسهولة يتفرط فيك، ولا بسهولة يتم الاستغناء عنك، اللي عندك معروف حتى لو خانك الفعل أو القول.
3) المفترض إن في ناس قالتلك إنهم بيحبوك، ورغم ذلك عملوا كل ده فيك.. أمال لو بيكرهوك كانوا هببوا إيه معاك؟
4) ممكن تفضل تتكلم مع حد بالساعات، إنما كلمة واحدة بس اتقالت في النص، ياترفعك لفوق، يا تنزل بيك سابع أرض، ركز على التفاصيل أحيانًا بتبقى مؤلمة.
5) مش مع نظرية عايز تعرف اللي أدامك، شوفه وهو متعصب.. كلام غلط، العصبية سلوك انفعالي كتير جدًا بيبقى الإنسان مش ف وعيه.
6) عارف.. أما بتحضن عيل صغير، بتكتشف إن إنت اللي محتاج الحضن ده، الأروع فيه إنه حضن خالص ومن القلب.
7) في ناس ولاد & & يرتكب في حقك كل الفظاعات عشان تقطع معاه، وأما تقطع معاه يدور يشتكي للكل إنك قليل الأصل
.
8) مين اللي قال علم النفس سهل؟ والله أصعب علم على وجه الأرض هو علم النفس، من فضلك إذا تطرقت لهذا العلم فاطرق بابه برفق.. أنت لاتعلم ما في النفوس وبلاش تعرف.
9) أسهل شيء إنك تكون إنسان مؤذي ،الأذية مافيش أسهل منها، الصعب فعلًا إنك تكون محترم وكويس وسط كل السخافات اللي حواليك دي.
10) لو إنت أب على أد حاله؛ وإبنك لسه متخرج جديد، اقترح عليه يبدأ حياته العملية بره الوطن؛ وأما يتجوز يستقر في وطنه.
السفر ( لو وضعك النفسي والمادي صعب) هايوفر عليك مرمطة بداية الطريق.
- لو ضاقت عليك.. ساعد واحد ماتعرفوش. - لو إبنك وصل 3 ابتدائي ولسه في تعثر في القراءة والكتابة والحساب.. اكشف عليه لربما يكون عنده صعوبات تعلم.
- لو في مشكلة بينك وبين مراتك/ زوجك.. دخلوا حد متخصص أفضل من الأقارب.
- لو فاهم إن الدنيا هاتديك دروس مجانية.. تبقى تستاهل الضربة التانية والتالتة والرابعة.. إلخ.
- لو مش قادر تشتري حاجة وحالك يقدر يمشي من غيرها.. بلاش تستلف وابدأها من الصفر.
- لو حاسس باكتئاب وحزن.. ماتقلقش حاليا في ملايين غيرك كده، تغير الفصول ودخول المدارس له دور كبير.
- لو حماتك مضايقاكي.. هاتي لها هدايا واخدميها وقت مرضها وماتشتكيش منها لجوزك.. وحطي مسافات.
-! لو إبنك حركته زايدة ومتشتت وذاكرته ضعيفة.. اكشف عشان تستبعد إنه يكون عنده فرط حركة وتشتت إنتباه.
- لو جالك أي فكرة وسواسية حوالين أي موضوع.. اتعالج فورا عشان الأمر مايطورش ويوصل لاضطراب الوسواس القهري.
- لو في مشكلة في القوى الجسدية والإرهاق الدايم.. حلل فيتامين D.
- لو مش بتنام ع الأقل 6 ساعات يوميًا... جهازك العصبي هايدمر مع الزمن. - لو بتحب حد أوي، وكويس معاك، وبيقف معاك في كل كبيرة وصغيرة.. اتمسك بيه وخليك ذكي وخفيف على قلبه
1) تتحط في موقف يجبرك إنك تبلغ شخص ما بوفاه حد بيحبه، أو خسارة كبيرة في حاجة تخصه، والشخص ده حساس ودماغه متركبة غلط، كل ما يشوفك هايحسسك بتأنيب الضمير!
2) انك تشوف بنت الأصول الشبعانة اللي تخصك، لكن حظها وقع مع زوج بخيل انتهازي، ومش قادر تساعدها.
3) تكون شايف حد يعز عليك بيغرق؛ لكن مش قادر تاخد عشانه أي موقف، مش عشان انت مش قادر تساعده، إنما هو اللي رافض رفض قاطع أي مساعدة منك.
4) تبقى عاجز عن توفير أبسط حقوق بيتك المادية، رغم اخذك بكل الأسباب، لكن لا الزوجة ولا المجتمع راحم ضعفك ده.
5) قلة الحيلة اللي بتحس بيها عشان تستحمل سخافة ووضاعة ورزالة مدير/زميل / قريب/ جار.. الخ، حفاظا على حساسية العلاقة مابينكم سواءًا مادية أو صلة رحم.
6) الخذلان من فشل حد من ولادك، بعد ما ضيعت عمرك وتعبك وشقاك عليه.
المشاعر دي صعبة على أي نفس سوية تقبلها، لايمكن الاستسلام ليها بسهولة، ولايمكن التعايش معاها برضه بسهولة، وللأسف الضغط العصبي وحرقة الدم اللي بتيجي من وراها لاتحتمل.
لعلمك..
مافيش حاجة إسمها الحب بيعمل المعجزات؛ المعجزات دي في الأساطير أو للأنبياء وبس، إنما اتنين بيحبوا بعض ومنتظرين الحب ده يعملهم معجزة ويخليهم يتغاضوا عن صفات زي البخل، والخبث والكدب والخيانة..يبقى ماكنش حب من الأول ده كانت نزوة وانتهت وظهر المعدن فيما بعد.
مش عارف اجيبهالكم إزاي؟
90 % من حالات الزوجين اللي بتزور عيادتي، حاربوا الدنيا كلها عشان يتجوزوا تحت مسمى الحب، وانتهى بيهم الأمر للطلاق وعند الدكاتره النفسيين.
عايز حب ماشي.. بس ماتنساش العقل معاه.
الحب لوحده لايشفع، ومش ضمان لاستمرار الحياة.
حب بلا أمان ليس له أي قيمة.
الأمان أعلى مرتبة في الحياة الزوجية.
ولكل قاعدة استثناء.
الحالة النفسية السيئة بتسبب لجلجة في الكلام، وصوت باهت، وأفكار مشتتة.
أما تلاقي حد كده، احترم قهرته اللي طلعت على صوته، اصبر عليه، اتركه بدون ماتلومه وتقوله كبر دماغك.
اسكت وبس وبس وبس
لصحتك النفسية..
اسأل ربنا دايمًا إنه يبعدك عن المستشفيات والمحامين وبتوع التنمية البشرية.
افتكر إن مفيش حد هاياخد رزقك، ولا انت هاتاخد رزق حد؛ فاطمن ونضف قلبك.
الحالة النفسية السيئة بتسبب لجلجة في الكلام، وصوت باهت، وأفكار مشتتة فلما تلاقي حد كده، احترم قهرته اللي طلعت على صوته، اصبر عليه، اتركه بدون ماتلومه وتقوله كبر دماغك، اسكت وبس وبس.
بص حاول ماتتكلمش في السياسة، ولا تتعصب لحاجة زي الكورة ولا لحزب أو جماعة؛ عشان دي مش وظيفتك وحاجات أكبر منك وليها ناسها، وغالبًا هاتخسر ناس بسببها وهاترهق نفسك ع الفاضي.
صدقني؛ طول مابتنام على مخدتك وقلبك مافيهوش حقد ولا غل ولا حسد لحد.. انت كده أغنى وأسعد الناس.
في ناس هاتكرهك عشان انت ناجح.
في ناس هاتستنى عشان تقع، عشان يشمتوا وبس.
في ناس هاتكرهك من غير ما تعملهم أي حاجة.
في ناس مراقبينك من بعيد، عارفين كل حركة وكل حرف عنك.
في ناس شغلتهم في الحياة هي (انت).
نصيحتي لك..
امض ولا تلتفت.. انت لم تخلق لارضاء الناس، بجد رضاهم غاية لا تدرك.
كن لنفسك راعيا.
حافظ عليها.
اهتم بيها.
لأنها هي الشيء الوحيد الذي لايخون.
