تمن سذاجتك وحسن نواياك (اللي مش في موضعها) بيبقى غالي جدًا، خصوصًا لما تعرفه في وقت متأخر، وخصوصًا بعد ماتخسر كتير، وخصوصًا إحساسك انك كنت مغفل، الأمر ده...
تمن سذاجتك وحسن نواياك (اللي مش في موضعها) بيبقى غالي جدًا، خصوصًا لما تعرفه في وقت متأخر، وخصوصًا بعد ماتخسر كتير، وخصوصًا إحساسك انك كنت مغفل، الأمر ده مرهق نفسيًا لأي شخص، عشان تتخطى المرحلة دي اعمل الآتي: - اتعلم من اللي فات
- فكر مليون مرة بعقلك مش بالعاطفة.
- حدد الأولويات
- كل اللي فات اعتبره عند الله وكفى. أخيرا لو ماتعلمتش من اللي فات، يبقى تستاهل الصفعة مرة واتنين وتلاتة.
إدمان الطفل لمشاهدة الفيديوهات الصغيرة، زي الreels، و التيك توك، وانستجرام، و يوتيوب.. بتعمل كوارث منها، حياة الطفل سريعة جدا، مافيش طول بال لإنجاز أي مهمة، طريقة كلامه سريعة، اللهوجة في إنجاز أي حاجة، مافيش طاقة يقعد يكتب واجب ربع ساعة على بعضها، أو يسمع لدرس نص ساعة بس، أو ينجز مهمة في وقت طويل. طبعا تشتت إنتباه وتركيز وتأخر كلام وقصور دراسي ونسيان فظيع. شيلوا التليفونات من إيدين العيال
السكوت مش دايما دليل على الرضا.. كل ما في الأمر إن اللي أدامك لايفهم، لايعقل، لا يقدر.
لو انت شخص بيتم اتهامك دايما بحاجات فظيعة وغريبة وحقيقي كلها ظلم ف ظلم، نصيحتي لك إياك تبرر، اللي قال عنك ده، واللي صدقه= الاتنين ف صندوق زبالة واحد.. وسيب الزمن هو اللي يجيب حقك تالت ومتلت.
أنا بقيت أحيانا مش عارف اشفق على الآباء والأمهات ولا اشفق على العيال، بس اللي اقدر اقوله كل حاجة بقيت صعبة وأولها التربية، ومش كل النظريات التربوية ينفع تطبقها مع العيال، والسبب ف كل ده (الضغط العصبي) اللي الكل بقى يعاني منه.
ماحدش بقى عنده خُلق يستحمل زن، ورخامة، وشقاوة العيال، ونتيجة ده توتر طول اليوم جوة البيت.
بص الحياة لا راعت حزنك، ولا التفتت لضعفك، هي مش بتحترم ومش بتعمل حساب غير لواحد بس (القوي).
أخيرا.. ملتفت.. لايصل.
اللهُم عوضاً عن ما مضى
وعافية فيما يجري وكَرماً فيما سيأتي.
مشاعر الحب المبالغ فيها على الفيس من صور وكلام وخلافه بين الزوجين غالبًا :
يا مفتقدينه ف الواقع.
يا بيكيدوا بيه غيرهم.
يا خايفين على شكلهم أدام ناس تانية.
ولكل قاعدة استثناء.
مشاعر الحب المبالغ فيها مشاعر الحب المبالغ فيها مشاعر الحب المبالغ فيها
- ماتاخدش فلوس من حد قبل ما تعدها، لو طلعت ناقصة غالبًا مش هاتاخد الفرق، أو هايتم اتهامك إنك سرقتها.
- ابنك لو وصل سن البلوغ ويقدر يشتغل، وإنت موفر له كل حاجة، ابشرك إنه غالبًا هايطلع عديم الأهمية عديم المسؤولية.
- لو بابا مات، هازغرط واجيب له كفن هدية مني.. من كلامهم في الجلسات، ياترى إيه اللي عمله أب زي ده عشان يلاقي القسوة دي من بنته؟ .. فتش عن الجحود.
- الفترة الجاية هاتلاقي عيال صغيرة قاعدة في الشارع عاملين نفسهم بيكتبوا واجب المدرسة.. ماتديهمش حاجة، دول غالبًا شغالين مع عصابة وانت بتشارك في قتل طفولتهم وبتشجعهم ع التسول.
الحزن بيطفي بياض الوش
الحزن بياكل الصحة
الحزن بيطفي القلوب من جوه
الحزن بيقتل الشغف والتفاؤل
الحزن بيقطع العلاقات وبيوقف الإنتاج.
الإنسان اللي نفسيته حلوة بينتج ويعمر ويسعى وبيبدع ووشه منور.
لو جالك دور حزن من فضلك ماتطولش فيه، اخرج منه بأي وسيلة، ودايما تبقى مبلغ المحيطين بده، قولهم لو شوفتوني حزين خرجوني بأي شكل، وبلاش تتكاسلوا في ده، حتى لو انت اعترضت، ولو مالكش حد، يبقى حط خطة للخروج من أزمتك دي، والجأ لمتخصص نفسي يساعدك.
أكتر حاجة تخرجك من الحزن هو الشغل، وجلوسك مع اللي بتحبهم.
بلاش تسيب نفسك لأي حزن، لإن الحياة بحزنك أو من غير حزنك هاتمشي، وللأسف الشديد ماحدش هايحس بألمك.
لكل واحد أو واحدة تحسسوا وراقبوا من حولكم؛ ولو لاقيتوا حد حزين ساعدوه بكل الطرق إنه يتعافى، لإن الحزن بيتهد بتعاون الناس مع بعض وقت نزول الألم
في ناس هاتستنى عشان تقع، عشان يشمتوا وبس.
في ناس هاتكرهك من غير ما تعملهم أي حاجة.
في ناس مراقبينك من بعيد، عارفين كل حركة وكل حرف عنك.
في ناس شغلتهم في الحياة هي (انت).
نصيحتي لك..
امض ولا تلتفت.. انت لم تخلق لارضاء الناس، بجد رضاهم غاية لا تدرك.
كن لنفسك راعيا.
حافظ عليها.
اهتم بيها. لأنها هي الشيء الوحيد الذي لايخون.
لو انت عندك على الأقل 6 حاجات من دي؛ أبشر انت غالبًا سوي نفسيًا وقلبك مازال بخير؛ قولنا جبت كام من 11 ؟
1- تمدح الآخرين.
2- لا تمدح نفسك.
3- دائمًا مبتسم رغم الضغوط.
4-- تترك المجال لمن معك كي يتحدث.
5- تنصت باهتمام.
6- الحس الفكاهى موجود دون سخرية من أحد.
7- تساعد غيرك، وتتمنى له الخير.
8- صادق فى نصيحتك.
9- بتنسب الفضل لأهله.
10- بتشجع غيرك على النجاح وبتوزع طاقة إيجابية.
11. بتقع وتقف تاني، وتالت ورابع وخامس.. مابتملش من المحاولة.
زوجك يريدُ منك فقط الاحترام وتلبسي له لبس جميل وتقدمي له وجباته بانتظام وسوف يجتهد لإسعادك
ســرُ الســعادة الزوجــية عــقلُ الــمرأة وقلبها و مــربط تلك السـعادة لسانها ..
بعض الزوجات تمارس مع زوجها دور الأم فتكثر العتاب واللوم والتشره على أي شيء وتفترض أن عليها أن تغير بعض تصرفات زوجها وتتعب نفسها بلا جدوى
الصراع على النفوذ داخل الأسرة قد يؤدي الى
"ضياع للأسرة".
الزوج الصالح مُبارك على زوجتِه والزوجة الصالحة مُباركة على زوجِها سرُّ الرحلةِ يكمنُ في الرفقةِ وطولُ المرافقةِ يورثُ الإنسان طباعَ رفيقِه رغمًا عن كليهما فإذا رافقتِ الكريمَ، أخذتِ من طبعِه ونالكِ من فضلِه وإذا صاحبتِ الحليمَ، تبصَّرتِ بحلمِه، وتطبَّعتِ بعفوِه
العلاقاتالزوجية أعمق من مجرد إشباع غريزة، وأكبر من مجرد تركيز على جوانب مادية. احرصا على إدخال السرور لبعضكما (كالذهاب لنزهة خفيفة، أو إقامة حفلة بسيطة)، أزيلا كل جمود بينكما، اضحكا، ابتسما، اعتذرا، اكسرا الروتين القاتل بينكما، ليكن شعاركما اللطف، وهدفكما الحب، ومقصدكما السعادة.
نصيحة لكل زوج ، زوجتك أمانة عندك فأحسن إليها وكن لطيفا معها، و لن تنسى أنها وصية الرسول ،فاعتني بها ، لا تدعها تحتاج إلى أحد غيرك ، كن لها سندا و متكأ ، و حاول فهمها ، و إن أخطأت حاول أن تصلح ذلك بينك و بينها وتحتويها
نجاح غيرك والله ما هايقرب من نجاحك، نجاح قريبك، أو زميلك أو صديقك هايضيف لك، مش هاياخد منك، كونك تظهر نجاح غيرك وتفرح له، فده دليل على انك لسه إنسان سوي، اللي يكره وقلبه يضيق ويزعل عشان نجاح غيره؛ ده مش إنسان أصلًا، واكتر انسان قريب من ضيق الصدر والتنفس وكل حاجة تكدر السلام النفسي. انضف لأجلك. انضف مش هاتخسر حاجة بجد.
ريح نفسك.. السيكوباتي غذاءه الوحيد والهوا اللي بيتنفسه مرتبط بتعذيب الآخرين (نفسيًا وجسديًا) وبشكل أبشع مما تتخيل
كتير من الأطفال مشتتين وذاكرتهم ضعيفة ومستواهم الدراسي متدهور.. فتشوا عن التليفون غالبًا هو السبب.
الزوج الناقص، هو اللي يستقوى على زوجته بالضرب والشتايم والإهانة، اسمحلي أقولك انت مش راجل يا جميل.. مش عيب عليك؟
سلوك عيالك جزء من تعديله هو انك تشبع رغبتهم ف شيء غير مضر، يعني عيل عمال يستفزك عشان يشوفك بتعمل ايه، خليه يشوف وهو هايزهق وهايبطل كل حاجة، تدري ليش؟ لإن الممنوع عنه.. مرغوب.
بنتك وصلت ل12 سنة، صاحبيها يا أمي، صاحبها يا أبويا، صاحبيها، صاحبها.. صاحبوا ولادكم وبناتكم إلهي تنستروا، عشان ماتلاقوش اللي يوفرلهم ده بره.
هو انت مكتئب ليه؟ عشان حضرتك شايف انك ف جنة، وان اللي حواليك ملايكة متوقع منهم أفعال ملايكة.. ياعم اهدى شوية كده.. دي دنيا، واللي حواليك صفاتهم بشرية بحتة.
يعني تخرج من عند أحمد وتدخل عند الحاج أحمد ومتوقع نفس النتيجة؟ طب إزاي، ابتر لو الأمر محتاج البتر ولا تتأخر.
مشي نص ساعة يوميا، مع نوم بسلامة صدر، كفيل انك تكون سعيد..
1) ماتديش ولادك فلوس كتير. 2) ماتعييش ولادك في رفاهية مبالغ فيها، وكل طلباتهم مجابة.
3) ماتخليش ابنك خصوصًا الولد، يبقى معاه أكتر من مصروفه، ولو في زيادة يبقى حبة بسيطة.
4) ماتعلمش ابنك التبذير من صغره.
5) الفلوس الكتير في إيدين إبنك، غالبًا في الزمن ده والصحبة دي ومع عدم التربية الصح والرقابة الصح= إتلاف للأخلاق وطريق للمخ.درات والإنحلال والإنحراف.
6) علم إبنك قيمة الفلوس وأهميتها، ماتحرمهوش من حاجة بس خليك وسطي ومقنن في شيء زي ده، لغاية ما يدرك قيمة الفلوس. 7) النماذج اللي حواليك، هاتلاقي كتير من الشباب المنحرف معظمهم ولاد ناس أغنياء جدًا، وأهلهم مشغولين بالأموال والمشاريع، وفاتحين حسابات لولادهم دي في البنوك بالآلاف، ومفيش عليهم رقابة؛ والنتيجة بتشوفوها على صفحات الحوادث، وداخل العيادات والمصحات النفسية.
ماتصحيش حد من النوم لأي سبب أيا كان.. إلا للضرورة القصوى، وبالاتفاق معاه. ماتضغطش على حد إنه يقوم من النوم، سواءا باتصال أو غيره.
متشغلش حاجة صوتها عالي جنب حد نايم.
ماترشش حاجة ريحتها نفاذة جنب حد نايم.
لو بتشخر وانت نايم.. ياريت تتعالج وتشوف حل للموضوع ده.
عودوا ولادكم يحترموا حرمة النايم، تغطوه، ماتبصوش عليه، ماتفتحوش عليه كل شوية.
قبل ما حد ينام، خد حاجتك من اوضته عشان متزعجوش ويصحى من الصوت.
الأم اللي مش بيحلالها الغسيل والرزع والمكنسة والصريخ غير جنب العيال وهما نايمين.. استهدي كده وان شاء الله مشروع مكوك الفضاء اللي بتعمليه ده أجليه شوية لغاية ما الكل يصحى. لو عندك حاجة لاقدر الله تستدعي إنك تصحي حد نايم.. صحيه بهدوء وبلاش تفزعه، عشان عواقب الموضوع ده خطيرة ع الدماغ والقلب.
- يحصل إنه يظهر شخص في حياتك يعلمك الأدب وقلة الأدب في نفس الوقت. - شخص يطلع أسوء ما جواك، شخص يجبرك ع القسوة والجحود وسلاطة اللسان والنفاق بشكل منافي لطبيعتك تماما.
- مثلا.. شخص اتجوز بنت ناس أوي، صوتها قبل الجواز ماكنش حد عارف شكله إيه، هدوء طباع واحترام غير عادي، يِفضل وراها الزوج ده لغايه ما تتحول لإنسانه شرسة هي شخصيا كرهتها.
- صاحب شركة فِضل يضغط ويضغط على الموظفين عنده، لغايه ما خلاهم يختلسوا ويغشوا ويسرقوا.
- زي طفل يِفضل أهله وراه ينعتوه بالغباء وقلة الأدب، لغايه ما يتحول لمجرم حقيقي إرضاءا لكلامهم ده أدام الناس.
- التحول اللي بيحصل للنماذج اللي فاتت دي، رغم إنه غلط ومش مبرر ليهم يخلوا شماعتهم الناس، إلا إن المتسبب فيه يتحمل جزء كبير من تبعاته.
- أرجوكم بلاش تضغطوا على بعض لإن حقيقي الحياة مش مستاهلة أوجاع أكتر من كده.
- أرجوكم سيبوا الناس في حالها، سيبوا كل واحد يعيش حياته زي ما هو عايز، طالما مش بيضرك، أو بيضر نفسه.. سيبه ف حاله، بلاش تكون وقود يوصل الإنسان إنه يغلى منك، وساعة ما ينفجر فيك.. ترجع تشتكي!
مافيش ست خطافة رجالة.. في ذَكر لا مؤاخدة بيريل وبيتجرجر ورا أي حاجة فيها ستات.
مافيش علاج زواجي بيتم من طرف واحد، الزوجين لازم يتعاونوا سوا عشان البيت يستقر.
مافيش أقسى من الإنسان على وجه الأرض، كل المخلوقات طبيعية وأغلبها في حاله.. إلا الإنسان.
رغم قسوة هذا الإنسان، إلا إنه أضعف مخلوق.. شيء عجيب.
مافيش أصعب من شعور الوحدة، خصوصًا لو الشخص محاط بآلاف البشر.
مافيش طفل عنده مشاكل في الإدراك، إلا والتليفون والألعاب الإلكترونية أول ف إيده 24 ساعة.
مافيش مرض بييجي من الهوا.. كل الأمراض العضوية لا تنفصل عن الأسباب النفسية والغذاء للأسف.
مافيش حد هايحبك أكتر من نفسه، وانت مش هاتحب حد أكتر من نفسك.. هونها عليك.
مافيش سعادة طول ما انت ساخط، ومش راضي مع السعي للتطور.
مافيش سبب محدد للتوحد، ولا علاج دوائي للتوحد، ولا ظهر شخص حتى الآن عالج التوحد.
أخيرا مافيش حد حواليك مستريح زي ما انت شايفه، كل واحد عنده كواليس وتحديات لو عرفتها ممكن تتجنن.. هونها على نفسك لست وحدك.
